مرحوم يا ماضي مضى وراح = وايام حلوة ليتها اتعود
مرحوم وقتٍ كان به افراح = ياما قطفنا فيه الورود

الباقي ربي ورب الارواح = كل شي دونه عمره معدود
الحين تحول وقتنا اجراح = ضاع الامل وبات مفقود

عيا سواد الليل ينزاح = درب السعادة صار مسدود
واللي اندثر بهبوب الرياح = ياكيف عنه انقول موجود

الحب طيرٍ صابته ارماح = يون يعاني بصوت مردود
ينزف دماه مكسور الجناح = خايف يموت وياكله الدود

الفرح كنه طلقة سلاح = والحزن ماله وقت محدود
محد يقول ياناس مرتاح = الكل يشكي هم وصدود

احدٍ دموعه دموع تمساح = واحدٍ على الاوجاع محسود
وغيره بهمومه دوم لماح = والبعض صمته نارٍ اوقود